حبيت يكون لينا مكان وسطكم اتكلم وافضفض عن همومى وهموم غيرى من الباحثين
جتلى فكرة المدونة لما لاقيت ان فى كتير من المدونات
اللى بتعبر عن همومنا ومجازا أفراحنا
سواء كانت دينية أو سياسية إجتماعية أو اقتصادية
قلت واشمعنا احنا كباحثين منعملش مدونة
خاصة وان عدد المدونات المصرية اللى بتهتم بالعلم والتكنولوجيا
وفقا لتقرير مجلس الوزراء ...عام 2008
لا تتعدى
4 %
صح أنا معايا ماجستير ولسة مدرس مساعد
وعشان يعترف بى كباحث لازم أخد الدكتوراة ...
بس قلت و سكة الوصول للقب باحث دى سهلة ...
دى ياما خدت منا ومازالت وقت وجهد واعصاب
فقررت اعمل مدونة اكلم فيها باسم زملائى واعرض فيها اسهامات
اللى يحب يشاركنى ..
وفكرت تكون باللغة البسيطة اللى ممكن تكون عامية
أو تجمع ما بين العامية والفصحى
عشان تكون باللغة اللى بنحس ونكلم بيها بعضنا
.وعرضت الفكرة على بعض الزملاء
ولم يتحمس لها البعض ووعد البعض بالاسهام
ولم يبقى غيرى و أختى
وهى ايضا باحثة
وفضلنا نفكر فى الاسم واللى لازم بردو يعكس بساطة المدونة
واقترحت عليا أختى العزيزة
باحث مشفش حاجة
وهو اسم يرمز لقصور الاعداد فى مرحلة التخرج
اللى مشفش ولا اتدرب فيها
الطالب فى كثير من التخصصات على البحث
...
.وما بعد التخرج
ورحلة الاهوال فى البحث عن فكرة وجمع المصادر
وكتابة البحث والجوانب الميدانية
والاشراف
وميزانيات البحث وتكريم البحث والباحثون الكرام
و....و....و....و.....و
مستنياكم تكملوا معايا الفراغات
ياترى اية رايكم ولا بلاش نقلب المواجع
على بركة الله يادكتورة
ReplyDeleteلأ
ReplyDeleteطبعاً قلبى فى المواجع و لا يهمك
خلى كل واحد يفضفض معاكى بمشاكله
خصوصا فى الموضوع دا
كمان خلى بالك من حاجة
إنتى دلوقتى باحثة و محتاسة
و بكرة ييجى عليكى الدور و تكونى مكان الناس الى فى إيديهم صنع القرارات و حل المشكلات
و دى فرصة متميزة عشان الكل يسمع بعضه
و يتفهم المشاكل و يلاقى حلول
شدى حيلك و ألف مبروك المدونة الجديدة
خالص تحياتى ليكى
و حبى
و سعادتى برجوعك من تانى
مبروك على المدونة
ReplyDeleteطبعا نقلب في المواجع والمراجع كمااااااان ماهو كله مقرر المهم اننا نحاول نحل المواجع اللي بتقابلنا ونخليها مراجع للي بعدنا علشان يقدر يتعرف عليها ويعرف ازاي يتجنبها ويحلها ومش يخليها مواجع
ReplyDeleteوالله قلبتي المواجع فعلا يا استاذتي العزبزة بس فكرة موفقة جدا والله وعجبتي جدا وهاشركك فيها انشاء الله بالاهوال الي بيشوفها الباحث خلال فترة البحث انشاء الله
ReplyDeleteوللحديث بقية
تحياتي وتقديري وتمنياتي الدائمة بالتوفيق
صحبتى ازيك الف مليون مبروك على المدونة وانا ولا باحثة ولا فى فى المجال دا خالص بس يمكن فيها مواجع بردوا فى مجال العلم ولا تسمحى ابئا اشارك معاكى اكون شاركة ليكى الفضل وربنا يجعل بيت المحسنين عمال يا صحبتى
ReplyDelete